تعرفها مين

كل الحروف اتغيرت .........ما لهاش مكان
القلب عاشق للجراح...........والعين بتنزف بالغرام
انا ليه هنا ..........واللى جرى ......مش باختيارى
كل الخطر هاين عليا يضم نارى
يعرف كلام يعشق غرام ويعيش فى احضان الورود
ده الحب معنى الحب اطهر نبض ترويه القلوب
كان صعب اتوه ومعايا اكسير الحياه................
وتمر بيا الذكرى .............الله على الغرام الله
راضى يا رب بقسمتى وبحبها نفسى اقدم عمرى كله من مهرها
خلينى اعيش وحبيبى اول صفحتى وحبيبى خليه جنتى
وهناك طريق تفتكروا ايه وتحبوا احكيلكم عليه
كنا هنا قلبين ووردتهم مطر
تمسك ايديا ومن سنه واقفين كده والكهف من اهله القمر
يا ناس كفايه احبها وتكون سلامى وضحكتى
ومفيش دموع ولا فى الام دى الحب هى دى نور عينيا
تعرفها مين هى اللى كل الدنيا تحلف باسمها
هى اللى خلد مجدها كل العصور هى السلام هى الحروب
وهى ام الدنيا وامى انا
تجرى فى دمى فرح وحنين وضمير وحكمه وعلم وكتاب للسنين
عاشق ترابها انا من شبابها مع كل ليل ولا نهار
افديها .......اموت وليها منى ماانا ابنها
بوكيه ورود حبيبتى دى سر الوجود
مصر ...................مذكوره فى ام الكتاب وبيان
مصر ......ارض الامل والخير والحب والايمان
مصرى انا ارض الحضاره هى المناره والفجر والعنوان
امى وابويا ودنيتى وبحبها مهما اكون
وضميرى خليته عيون ليها نعيش ليها نهون